Canti e cunti

Ntrall’ariu u sirinu ciuscia ri luntanu
Ammogghia tutti cosi
A barca, a rizza e i carusi

Melu ‘nsiva na falangara
pari na stidda dda lampara
Petru sbacanta a sassulati
Luca conza li rimi e lati

E pi suprammari
Unn’è chi varamu pi suprammari
Menzu a lu mari
Unn’è chi varamu menzu a lu mari

Giuccatu arriba o mari
Cicciu na petra fa saudari
Novi deci unnici e durici
Pari ca vara cu nuiautri

E comu unu avant’a luna
-Iddiu nni scanzi di la fortuna-
L’occhi r’un becchi unni taliunu fissi
E nni rirunu amparissi

E pi suprammari….

Nell’aria l’umidità della sera soffia da lontano
Avvolge tutto
La barca, la rete ed i ragazzi

Carmelo ingrassa (uno scivolo di legno)
Sembra una stella quella lampara
Pietro svuota (la barca) con la sassola
Luca pone i remi ai lati (della barca)

E sopra il mare
stiamo per varare sopra il mare
in mezzo al mare
stiamo per varare in mezzo al mare

Accovacciato (raccolto) in riva al mare
Francesco fa saltare una pietra
nove dieci undici e dodici
sembra che salpi insieme a noi

E come un uomo solo davanti alla luna
-Dio ci protegga dalla tempesta-
Gli occhi di un vecchio ci accompagnano
prendendoci un po’ in giro

E sopra il mare…